setyowati79
6th November 2008, 09:23 PM
Ledis en jentelmen,
Kalu rasa pidis tu mata, atau rasa bapongoh tu talinga, isap jo tu gula2!
Baku iko deng tu peraturan penerbangan, sekarang kita musti kase lia pa ngoni samua
tu cara pake ini tali mamudung yang ada pa ngoni pe pinggang,
deng itu baju voor batobo, deng de pe masker oksigen kalu ngoni pe napas mulai hosa.
Supaya ngoni mo slamat, coba lia kwa kamari bagimana mo pasang itu sabuk
yang balingkar pa ngoni pe pinggang, cara kunci supaya nyanda talapas,
bekeng kancang deng bagaimana mo buka nanti.
Kalo sudah, itu baju batobo yang ada di bawah ngoni pe tampa dudu
jang dulu pake kwa, kacuali nanti waktu Om Kapten so undang batobo pa torang rame-rame.
Inga ne…, itu barang jangang ngoni kase pindah akang, apalagi bawa pulang
vor pajangan salon atau dekorasi souvenir ruang tamu, tanda ngoni so pernah terbang.
Kalu torang dapa riki, tong mo tampeleng pa ngoni kiri kanang, muka belakang,
deng atas bawah kwa, mangarti?
De pe cara bapake, itu baju kase lingkar pa ngoni pe leher,
awas jang talalu kancang komang,
nanti so susa banapas kong flao, kong bekeng tasibu pa torang,
musti bekeng napas tiop-tiop ngoni pe mulu, idiiih, jadi bahati-hati neh!
Supaya boleh timbul di air, hela itu knop warna merah jambu bol,
atau bole juga no tiup de pe pipa, supaya tatimbul di air.
Kong inga musti tunggu sampe so kaluar dari jandela darurat,
baru boleh bekeng dia tabuka, dari kalu nyanda ngoni nanti ta prop di itu jandela atau pintu,
bekeng pusing pa torang, kong kriting tong pe tangan
nanti mo bahela pa ngoni macet di pintu, edodo e..
Oh yaa, amper lupa itu floit ngoni boleh pake barmaeng prit-pritan
kalo so pastiu pas ngoni samantara batobo di air.
Eh, asal ngoni tau samua ya, ini pesawat ada dua pintu darurat,
di muka ada dua, di belakang ley ada dua,
deng ada dua lagi jendela darurat di tengah.
Jadi waktu kaluar nanti nyanda perlu baku rebe rupa burung weris
baku rampas roti di pante waktu ada bapiknik,
musti holopis rupa bebe atau bifi babaris bagitu, alias antri satu lein.
Kalu nanti tiba-tiba napas hosa bukang lantaran itu rim di pinggang talalu kancang
atau lantaran salah pasang itu baju batobo,
masker oksigen komang mo taciri di atas ngoni pe kepala,
no hela jo padia kong pasang di idong kong banapas rupa biasa jo.
Kalu ada anak kacili, ngoni yang so lebe tua tolong kase pake pa anak dulu
baru pake sandiri, eh so salah, tabobale komaling, musti ngoni dulu pasang
baru kase pasang pa itu kodomo! Inga ee..
Kartu gambar petunjuk vor keselamatan ada di popoji kursi di muka
dimana ngoni ada duduk akang, jang ambe birman punya,
jang ngoni baku cakar komang, deng baca bae-bae kong hafal mati pa dia.
Noh, bagitu jo dulu, Broer deng Zus!
Semoga torang tarbang slamat..
jang sampe mudung di lao..
banya bardoa samua.. TABEEA!!
Kalu rasa pidis tu mata, atau rasa bapongoh tu talinga, isap jo tu gula2!
Baku iko deng tu peraturan penerbangan, sekarang kita musti kase lia pa ngoni samua
tu cara pake ini tali mamudung yang ada pa ngoni pe pinggang,
deng itu baju voor batobo, deng de pe masker oksigen kalu ngoni pe napas mulai hosa.
Supaya ngoni mo slamat, coba lia kwa kamari bagimana mo pasang itu sabuk
yang balingkar pa ngoni pe pinggang, cara kunci supaya nyanda talapas,
bekeng kancang deng bagaimana mo buka nanti.
Kalo sudah, itu baju batobo yang ada di bawah ngoni pe tampa dudu
jang dulu pake kwa, kacuali nanti waktu Om Kapten so undang batobo pa torang rame-rame.
Inga ne…, itu barang jangang ngoni kase pindah akang, apalagi bawa pulang
vor pajangan salon atau dekorasi souvenir ruang tamu, tanda ngoni so pernah terbang.
Kalu torang dapa riki, tong mo tampeleng pa ngoni kiri kanang, muka belakang,
deng atas bawah kwa, mangarti?
De pe cara bapake, itu baju kase lingkar pa ngoni pe leher,
awas jang talalu kancang komang,
nanti so susa banapas kong flao, kong bekeng tasibu pa torang,
musti bekeng napas tiop-tiop ngoni pe mulu, idiiih, jadi bahati-hati neh!
Supaya boleh timbul di air, hela itu knop warna merah jambu bol,
atau bole juga no tiup de pe pipa, supaya tatimbul di air.
Kong inga musti tunggu sampe so kaluar dari jandela darurat,
baru boleh bekeng dia tabuka, dari kalu nyanda ngoni nanti ta prop di itu jandela atau pintu,
bekeng pusing pa torang, kong kriting tong pe tangan
nanti mo bahela pa ngoni macet di pintu, edodo e..
Oh yaa, amper lupa itu floit ngoni boleh pake barmaeng prit-pritan
kalo so pastiu pas ngoni samantara batobo di air.
Eh, asal ngoni tau samua ya, ini pesawat ada dua pintu darurat,
di muka ada dua, di belakang ley ada dua,
deng ada dua lagi jendela darurat di tengah.
Jadi waktu kaluar nanti nyanda perlu baku rebe rupa burung weris
baku rampas roti di pante waktu ada bapiknik,
musti holopis rupa bebe atau bifi babaris bagitu, alias antri satu lein.
Kalu nanti tiba-tiba napas hosa bukang lantaran itu rim di pinggang talalu kancang
atau lantaran salah pasang itu baju batobo,
masker oksigen komang mo taciri di atas ngoni pe kepala,
no hela jo padia kong pasang di idong kong banapas rupa biasa jo.
Kalu ada anak kacili, ngoni yang so lebe tua tolong kase pake pa anak dulu
baru pake sandiri, eh so salah, tabobale komaling, musti ngoni dulu pasang
baru kase pasang pa itu kodomo! Inga ee..
Kartu gambar petunjuk vor keselamatan ada di popoji kursi di muka
dimana ngoni ada duduk akang, jang ambe birman punya,
jang ngoni baku cakar komang, deng baca bae-bae kong hafal mati pa dia.
Noh, bagitu jo dulu, Broer deng Zus!
Semoga torang tarbang slamat..
jang sampe mudung di lao..
banya bardoa samua.. TABEEA!!